English

Ehangwch eich gorwelion ac agor y drws at lwybrau gyrfa newydd

Astudio cwrs trosi ôl-raddedig ym Mhrifysgol Caerdydd.

Rydym yn cynnig ystod eang o gyrsiau trosi lle nad oes angen gwybodaeth ymlaen llaw neu radd yn y pwnc:

• agor drysau i lwybrau gyrfa newydd
• parhau â'ch astudiaeth ar lefel uwch
• datblygu sgiliau a gwybodaeth mewn pwnc newydd

• tyfu eich set sgiliau
• dilyn eich angerdd.

Efallai y byddwch yn gymwys i gael amrywiaeth o gyfleoedd ariannu i gefnogi eich astudiaethau ym Mhrifysgol Caerdydd yn 2024-25, gan gynnwys cyllid gan Lywodraeth y DU.

“Rhoddodd cwrs trosi y cyfle i mi newid cyfeiriad fy ngyrfa a symud o faes busnes i gyfrifiadura heb unrhyw wybodaeth flaenorol.”

Joana, MSc Cyfrifiadura

Ble bynnag rydych chi ar eich taith yrfaol, gall ein tîm o gynghorwyr gyrfaoedd proffesiynol eich helpu i gyflawni eich nodau drwy roi arweiniad personol i chi ar bopeth, boed datblygu sgiliau a chwilio am swyddi neu baratoi am gyfweliadau a chymorth ymarferol. 

Ymhlith yr 20 prifysgol orau yn y DU am ansawdd cyffredinol ein hymchwil. Cadarnhawyd bod 90% o'n hymchwil gyda'r gorau yn y byd neu'n rhagorol yn rhyngwladol yn Fframwaith Rhagoriaeth Ymchwil (REF) 2021. Rydym hefyd yn un o brifysgolion blaenllaw Grŵp Russell sy’n uchel iawn ei fri.

Rydyn ni’n buddsoddi hyd at £500,000 yng nghynllun Ysgoloriaeth Meistr y Brifysgol i gefnogi myfyrwyr o safon yn y DU sy'n bwriadu dechrau rhaglen meistr gymwys ym mis Medi 2024. Yn sgîl pob ysgoloriaeth, didynnir gostyngiad o £3,000 oddi ar eich ffioedd dysgu.

Rydym am eich helpu i wneud y gorau o'ch profiad fel myfyriwr ôl-raddedig drwy wneud yn siŵr eich bod yn gallu cael gafael ar unrhyw gefnogaeth ychwanegol fydd ei hangen arnoch. O gyngor ariannol a chwnsela cyfrinachol i wasanaethau anabledd a gofal rhagorol i blant, mae ein gwasanaethau cefnogol yma i'ch cefnogi bob cam o'r ffordd.

Gwneir ceisiadau drwy Borth Ar-Lein yr Ymgeiswyr. Unwaith y byddwn ni wedi derbyn eich cais ar gyfer rhaglen astudio, bydd dolen i'r ffurflen gais ar gyfer yr Ysgoloriaethau Rhagoriaeth Meistr ar gael.

Os oes gennych chi gwestiynau am cwrs trosi neu unrhyw agwedd ar astudiaethau ôl-raddedig ym Mhrifysgol Caerdydd, cofiwch gysylltu â'n tîm ar bob cyfrif:

+44 (0)29 2087 0084   postgradenquiries@caerdydd.ac.uk    

Cewch ragor o wybodaeth am fywyd ôl-raddedig yng Nghaerdydd gan y rhai sy'n gwybod orau, drwy sgwrsio â rhai o'n myfyrwyr ôl-raddedig presennol a wnaeth hefyd gwblhau eu hastudiaethau israddedig yma.

Hawlfraint Prifysgol Caerdydd. Elusen gofrestredig rhif 1136855